Back to GOAL-ORIENTED mode...

Ano ba ang mas mahirap tanggapin?
May ibang gusto ang taong gusto mo o ayaw n’yang magkagusto muna sa kahit kanino dahil naka-focus s’ya sa pagtupad ng kanyang mga goals sa buhay?!?
Lech.
Hindi ako heartbroken. Hindi nga ako naiiyak e.
Naramdaman n’yo na ba ‘yung asa parang climactic level ang iyong emosyon, tapos biglang binangga sa isang malaking harang na hindi mo naman kontrolado at bigla itong nahulog pababa at nabasag o nasira?!?
Hindi ka madedepress e. Parang dahil sudden ang impact sa’yo, na-yanig yung buong pagkatao mo at hindi ka makapag-register ng kahit anong emosyon.
Wala na akong masabi kung hindi…
Haay…
Syempre alam n’yo na kung sinong tinutukoy ko.
Kasi ganito ‘yan. Magkasama kami ng kabarkada ko kahapon. Siya ang aming link. Kabarkada ko s’ya, friends din sila. Pero kasi naman, ang alam lang naman ng kabarkada ko e crush ko lang yung tao. Nagtanong ako ng nagtanong sa kanya tungkol kay Backseat…
Achiever s’ya noh?
Oo naman. Marami s’yang gustong ma-achieve e. alam ko nga he’s training para sumali sa SEA Games e.
Ah talaga. Astig talaga ‘yun! (kasalukuyang kinikilig)
Nagka-girlfriend na ba ‘yun?
(Iling) Nope. Wala sa plano n’ya yun…
Ha?!? (windang na)
Wala pa yung balak. He wants to pursue a lot of things, and dun s’ya naka-focus. Priority n’ya yung mga goals n’ya. Alam mo ba na gusto n’yang maging scientist?!?
(pekeng tawa) Hahaha. Talaga? E, diba may niligawan daw s’ya dati?
Oo. Pero it didn’t work out. Hindi naging sila. Tapos after nun, ayaw na n’ya.
Traumatized?
Hindi naman. Kasi naging MU na sila nun e. Pero pagkatapos nga nun, wala na, overwhelmed na s’ya sa pag-pursue ng goals n’ya.
So…wala talaga sa balak n’ya?!?
Wala. Nada.
Ah…Sad…
Teka…’kala ko crush mo lang s’ya?
Ha?!? Oo nga. Wala lang ‘yun…alam mo naman ako…sus…crush ko lang s’ya…blahblahblah (isang mahabang mapagpanggap na litanya)
Hindi ko na kayang isulat ang mga nangyari pa pagkatapos nun.
All this time, naiinsecure ako sa mga akala kong “babae” n’ya. Bwakanangshet na malufeeeeet…wala pala s’yang mga chikas! Wala s’yang panahon para dito.
Oh well…tignan mo nga naman ang pagkakataon…
‘Yan din ang aking mantra. Ayokong magka-lovelife dahil wala akong oras para dito at wala ito sa priority ko. kapag nagka-lovelife ako, madidistract lang ako sa ginagawa ko, and I can’t afford na ma-distract.
So…hindi ko alam kung mas may chance kami dahil we share the same view o we will eventually repel kasi nga same forces kami…
Backseat: Sorry…hindi ko alam kung dahil sa nalaman ko ay matatanggal na kita sa pedestal na kinalalagyan mo sa puso ko…hindi ko kasi alam kung dapat na ba kitang tanggalin. Hindi ko alam kung mas nagkakagusto pa ba ako sa’yo dahil pareho tayo ng prinsipyo sa buhay…
Pero alam n’yo, itong nangyaring ‘to, ito ang nagmulat sa akin na talagang may mensahe sa akin si God…
Sorry Lord ha, kung hindi ako nakinig sa Inyo. Sorry kung pinangunahan ko Kayo sa kagustuhan kong masunod yung gusto ko. Simula ngayon, iniiwan ko na po sa Inyo ang desisyon. Bahala na po Kayo…kung ano pong gusto Ninyong mangyari sa akin, magiging handa na po ako--- dahil alam ko naman pong hindi Ninyo ako ilalagay sa alanganin. Your will be done, Lord.
Back to goal-oriented mode…hmp!
***RED NGA PALA YUNG COLOR NG BLOG NA 'TO DAHIL VALENTINES NA SA MONDAY. HAHAHA.