Diane in her most Haggard State

Dan-dan-dan-dan…

Presenting…Diane in her most haggard state!

Oo. Haggard ako. At walang magagawa ang lahat ng tao para mapigilan ang pagka-haggard ko.

C’mon, ako nga mismo walang magawa e, kayo pa kaya.

Naisipan kong mag-post ng blog ngayon dahil ngayon lang ako nakakumpleto ng tulog since Saturday. And nararamdaman ko nang ngayon lang magiging kumpleto ang tulog ko hanggang Monday ng gabi. Kasi kahit sabihin ko pang makakatulog ako ng maaga at pwede akong hindi magpuyat, I am sure mapapanaginipan ko rin ang mga bagay na dapat kong tapusin at hindi rin magiging maganda ang tulog ko.

Musical Interpretation Production para sa BC 121.

Mini-Documentary script para sa BC 103.

Midterms para sa CommRes101.

Radio Talk para sa BroadGuild.

Potah. Napapagod na ako kakaisip ko pa lang sa mga gagawin.
---

Oo nga pala. Pinaka-aabangan na ng lahat ng tao ang aking pagsagot sa blogpost ng isa sa aking orgmates na nadagdag na sa aking hate list. In fairness sa iyo, mas mataas ang position mo sa aking hate list kesa kay beloved chaka doll. Haha.

Pero bago ‘yan, gusto ko munang magpasalamat kay Klara dahil sa kanyang magagandang insights sa kanyang blogsite. Marami akong nalaman pang ibang bagay dahil sa post mong ‘yon.

Okay. Eto na ang aking mensahe sa orgmate kong ito:

Una sa lahat, ‘wag kang mag-alala. Hindi ko isisiwalat ang pangalan mo dito. Hindi ako balahura na tulad mo. Pangalawa, mas gusto ko sanang personal ko na lang ito sabihin sa iyo. Pero hindi ako pinagbibigyan ni God ng pagkakataon na matiyempuhan ka para masabi ko ‘to lahat sa’yo. ‘Wag kang mag-alala. Kapag nakita kita, ako pa ang unang lalapit sa’yo para sabihin ‘to lahat sa mukha mo.

Alam mo, kahit tanungin mo pa ang mga guilders, never kang siniraan ng buddy ko (yes, buddy ko na siya ngayon) sa kanila. Sana, bago ka manisi ng ibang tao, alamin mo muna kung tama ang isinisisi mo sa kanila. At totoo yung sinabi ni Klara, nung sinabi mo sa kanya na gusto mo nang mag-quit sa org dahil sa nangyari, umiyak siya at sinabi niyang siya na lang ang magde-defer dahil naguguilty siya. Sinabi rin niya sa akin ‘yon.
Well, just in case you’re wondering kung anong sinabi ko sa kanya nung sinabi niya sa akin ‘yun, sabi ko sa kanya, ‘wag siyang ma-guilty o matakot. Hindi siya dapat mag-defer dahil lang sa’yo. You are not worth it.

Pangalawa, potah to the highest level, hindi namin siya kinakampihan dahil siya’y isang “poor helpless applicant”. We don’t regard FGs that way. That is the very reason why we don’t like calling them applicants. Kaya nga Future Guilders tawag sa kanila, diba? Hindi mababa ang tingin ng org sa kanila. At kahit siya na ang pinaka-pasaway na buddy na pwedeng makuha ng isang guilder, hindi natin sila dapat inaaway. Kaya nga tayo buddy nila e. We are supposed to take care of them and make them like and love the org. Kung pasaway man sila, hindi pa rin sila dapat pagalitan o awayin, dahil bilang buddy nila, tayo dapat ang unang umintindi sa kanila.
Kinampihan namin siya dahil sa tingin namin tama siya. At mali ka.

Third, alam mo tsong, minsan talaga, kapag pakiramdam mo buong mundo ayaw na sa’yo, minsan dapat iniisip natin kung tayo na ba ang may mali. Shet. Hindi yata tama na lahat na ng tao ayaw sa’yo tapos ang iisipin mo sila ang mali at hindi ikaw. Kapal. Alam mo, para sabihin ko sa’yo, okay ka naman bilang tao e. Nung FGs pa tayo, okay ka naman, wala akong kahit katiting na bahid ng inis sa iyo. Sabi ko pa nun ang bait mo.
And then you started harassing Keina with your text messages na para sa akin ay sobrang pathetic. Potah. Kung nakita mo lang ang epekto nun kay Keina, at kung alam mo lang kung gaano mo naapektuhan si Keina nung mga panahong ‘yon, tangina talaga.
Pero pinalampas ko ‘yun. Sabi ko pa kay Keina, initindihin ka na lang. Baka mabigat problema mo or something.
And then pati si Rica napaiyak mo dahil dun. Pero sige, siguro nga malaki problema mo.
Pero pati ba naman ang buddy ko?
Tangina, alam mo, hindi ka matutulungan ng mga tao diyan sa kung ano man problema mo kung hindi mo gugustuhing tulungan sarili mo. You know why people around you seem to hate you already? Kasi pagod na sila sa kakaintindi sa’yo. Pagod na kami sa pag-intindi sa problema mo dahil parang wala ka namang balak solusyunan ‘yan.
Try mo minsan, yung mga tao naman sa paligid mo ang subukan mong intindihin. Kung pwede lang naman.

Lastly, tungkol dun sa sinabi ni Klara na sinabi mo sa kanya na gagawin mo dapat sa panel ng buddy ko. I know na naisip mo yun na ang nasa isip mo pa rin e ikaw pa rin ang buddy niya. Unang-una, kung ako na ang buddy niya tapos sinubukan mong balahurain siya nung mga panahong iyon, duuy, kahit lalaki ka talaga, sasapakin kita. And FYI, kung ginawa mo man ‘yun, kahit hindi niya ako buddy, sasapakin pa rin kita. Wala kang karapatang gawin ‘yun.

Seryoso ako. Pakiusap. ‘Wag ka munang magpakita sa akin ngayong mga panahong ito. Dahil ayokong ma-stress. At ayaw din kitang ma-stress sa mga posibleng magawa ko sa’yo.
---
Sabi ni Chris, nakakatakot daw ako. Sabi ni Karol, sobrang credible daw lahat ng sinasabi ko kaya nakakatakot ako kapag nagagalit o nang-aaway kahit na joke lang. Sabi rin ng blockmates ko, talagang taray kung taray daw ako.

Bakit ganoon? Sweet naman akong tao a? Mabait rin naman ako a. Bakit ang tingin nila sa akin e parang tigre sa tapang?

Grabe, feeling ko ang sama ko tuloy.

Okay lang. Bitch mode naman ako e.
---

Hindi ko masabi sa lahat ng tao kung ano talaga ang nararamdaman ko. Gaya ng dati, I prefer to put up a brave and happy front in front of everybody. Pero sa tuwing naiisip ko ang bagay na ‘yon, bigla na lang umaagos ang luha mula sa aking mga mata.

Lord, alam ko naman na hindi mo kami bibigyan ng trials at problema na hindi namin kayang harapin. I’m so sorry kung naisip ko dati na bakit despite the fact na sobrang faithful kami sa iyo, binibigyan mo pa rin kami ng ganitong problema.

I am so hurting right now. For the first time, wala na akong pakialam sa kahit anong bagay. Hinihiling ko lang sa Diyos na bigyan kami ng lakas, lalo na si Papa. Sana rin, bigyan niya ako ng pagkakataon na makatulong. Tulungan niya akong makagawa ng paraan para makatulong.

I love you so much, Mama.