Kahit ano pang sabihin niyo...

Ayoko na. Talaga.

Ayoko sa lahat yung ina-underestimate ang aking pagka-bitch. At tipong ginagago ako. Not to mention binabastos.

Sa akin lang, nung inuman, ang usapan, walang lalabas na info. Kahit na may tama ako nun, I can vividly remember na may ganung usapan. Kaya nga kahit nagtampo na ang mga nasa Inner Cirque na wala sa inuman, ‘di pa rin namin sinasabi o kinukwento sa kanila ang mga nasagap naming confidential information nung inuman.
Pero ‘yun nga, kung sabagay, hindi mo naman mapipigilan kung meron talagang makakati ang dila at parang mamamatay kapag hindi nila ito naichismis sa ibang tao. Sa akin, keri lang ‘yun. Pero dyoske, sana naman hindi distorted ang info--- kasi parang issue na nga na sinabi mo sa ibang tao, issue pa na distorted ang pagkakasabi mo.
Tsktsktsk. ‘Wag ganyan. Umiinit ulo ko sa’yo e.

Isa pa. Pagod na akong manghula.

Pagod na akong isipin kung ano ba talaga ang dahilan kung bakit hindi ako kinakausap ni JV. Dahil ba nalaman niyang may gusto ako sa kanya? O may galit ba siya sa akin? Kasi parang nakakagago naman na ang ayus ayos ko siyang sinubukang kausapin e di ako pinansin. Ng tatlong beses.
Kung ayaw mo akong kausapin, for whatever reason you have, susko naman, tratuhin mo naman ako kahit bilang tao lang. Hindi yung ginagawa mo kong tanga sa harap ng ibang tao. Dahil sa pagkakaalam ko, wala naman akong ginagawang masama sa’yo. Hindi ko naman hinihiling na chummy pa tayo noh, pero sana naman ‘wag mo kong bastusin kapag kinakausap kita ng maayos.

Hay nako. Pagod na akong isipin ang dalawang bagay na ‘yan. Tinatanong ng mga tao if I’ll seek revenge or something--- duuuy…hindi ko papatulan ang mga cheap acts na ‘yan. Mas marami pang bagay na dapat pagtuunan ko ng pansin. Hindi naman ako mamamatay kapag hindi ako kinausap ni JV e.

Sana lang, 'wag kalimutan ng ibang tao na bitch ako sa totoong buhay.

Sabi nga nung manghuhulang pumunta dito sa bahay namin, mabait daw ako, pero--- masamang magalit.